مهرجان النكت

بسم الله نبدأ حربنا البارده ياشباب وفتيات..

هيا شباب شدو الهمة

شكون يجيب احسن نكتة

وسابدا انا باول نكتة

استاذ بعث تلميذة للمدير


قلها المدير وش درتي قاتلو طيشت وردة من التاقة قالها هذا مكان ...........ارجعي للقسم


ممبعد جات وحدة مكسورة


قالها شكون انتي


قتلو


انا وردة

ارجو الردود و الردود و الردود. . . والردود الكثيرة

بسيط

هاذ النكتة خير منها

في وحد القرية كاين حفرة ديما يطيحو فيها و سبيطار بعيد بزاف عليهم مالا كاين وحد الجماعة قاعدين يخمو كيفاش يديرو. قال الاول: علاش مانحطوش سيارة الاسعاف قدام الحفرة باه كي يطيح واحد نديوه بالخف. قال التاني: علاش مانبنيوش سبيطار قدام الحفرة ؟ قالو التالت: علاش مانقفلوهاش ونحفرو وحدة قدام السبيطار


اين الردود

*استيقظت إمرأة ذات يوم وهي تقول لزوجها ،،، اليوم عيد الحب وقد حلمت بأنك أهديتني قلادة ذهبية مرصعة بالماس ... ما معنى هذا الحلم؟ فقال لها زوجها ،،، في المساء سوف تعرفين ... وعندما أتى المساء وجدت زوجها يحمل علبة أنيقة وأعطاهالها بمناسبة عيد الحب ،،، وعندما فتحتها وجدت كتاب مكتوب عليه .... تفسير الأحلام

*خطرة واحد هو مايشوفش مليح وزاد شرى مقنين ما يشوفش مليح جاء يحطو فالكاجا حطو برى والمقين
مسكين جاء يهرب ادخل للكاجا

*قالك 2 نساء ميسمعوش وحدة سقسات لاخرى راكي رايح للحمام ردت لاخرى لالا راني رايحة للحمام ردت الاولى وقالت ايه حسابني راكي رايح للحمام

*واحد دخل لحانوت قالو كاين القازوز قاللو مولا الحانوت كاين اشكال وانواع قالوا اعطيني زوج انواع و زوج اشكال

*قالك خطرة واحد صاب برية مكتوب عليها لاتفتحها,,,,,,,؟؟؟؟؟؟؟ داه الطمع كي فتحها واش صاب؟؟؟؟؟؟؟؟؟؟؟؟لمـــــــــــــــــــــــــــــــــ ـــاذا فتحتها

*قالك واحد زاد عندو ولد فيه شعرة واحدة في رأسه سماه محيرقة


*واحد جزايري ميفهمش الفرنسية مشا لفرانسا شاف عرس سقسى واحد .شكون تزوج؟رد عليه لاخر قالوCHéPaمعناها باختصار je ne sais pasو على غدوا فات الجزايري على جنازة سقسى قالو واحد تانيCHéPa الجزايري بكى وقال مسكين هادCHéPa البارح تزوج واليوم مات

هادو زوج خاوة واحد منهم دركي وواحد حفاف, قال الحفاف لأمه نوضيني بكري غدوة.. جات أمه نوضتّو, غلط الحفاف لبس لباس الدرك تاع خوه وهو نعسان شاف روحو في لمرايا وقال: هيه... قلتلها نوضيني
نوضت خويا

*قالك واحد النهار جزار حب يزوج ولده . راح يخطبله فقال اب العروسة المهر 100000دج فقاله الجزار واش شحال راكم حاسبينها بالكيلو.

*قالك واحد النهار واحد قال لباباه زوجني .فضحك الأب سألو ولدو علاه راك تضحك فقاله امك مازالت كريدي

*مشحاح طاحت دراهمه من التاقة. كي نزل ما لقاهاش. علاش؟؟؟؟ لأنه وصل قبلها

*وحد مستكي راح لحنوت و حب يشري حليب. قال للبياع "أعطيني عصير بقر يا خويا

*وحد المعلم سقسا وحد التلميذ
قالو أعطيني شيء يتمدد بالحرارة ويتقلص بالبرودة
التلميذ قالو: العطلة يا أستاذ. في الشتاء 15 يوم وفي الصيف 3 أشهر

*كان واحد ماشي في سيارتو ومعاه زوجتيه, وفجأة السيارة تعطلت نزل الراجل يشوف, نطقت مرتو لمثقفة وقالت: شوف بلاك الكالبيراتور؟ غارت الزوجة لخرا وقالت انا تاني لازم نهدر حاجة حتى وإن كنت مانعرفش للسيارات...وقالتلو: يا راجل شوف بلاك نسيت البارمي
قالك وواحد قال لباباه "شريلي بورتابل " قالو " نشريلك بصح ركب خوتك معاك"

*قالك ميكانيسيان شرا سرير رقد تحته

• شكرا على المرور
  
  اتمنى ان تزودونا ايضا ببعض النكت
  
  باش نزهيو المهرجان
  
  
  
  شكرا مرة اخرى
  
  
  

واحد الكلب قعد ينبح حتى ضرو راسو.....علاه..كان ينبح في واحد اطرش
................
زوج كباش تفاهمو مع بعض ..كل واحد يعور الاخر ..باش ما يدبحوهمش فالعيد الكبير
................
حمار شاف خطيبته (حمارة)قالها"وقتاش نتزوجو يا حمارة" قاتلو"كي تريقل هدرتك يا واحد الحمار
................
قالك واحد الجزار راح يخطب قالولو "لازم تدفع خمسة ملاين مهر قاللهم "علاش شحال للكيلو"
................
واحد فنيان يخدم في حانوت تاع الدجاج يبيع الدجاج حي جات عندو وحدة و قالتلو "شوفلي دجاجة فيها 2كيلو". ايا شاف مليح فالدجاج وقال"اللي فيها 2كيلو تنوض"
................
واحد قال ليماه بغيت نتزوج بوحدة بيضة وطويلة وخدامة ...قالتلو شوف كاش فريجيدار
................
عربي وأمريكي وياباني حطوهم على جهاز كشف الكذب الياباني قال "احنا رانا نفكرو نصنعو إنسان آليونستغناو عن البشر"فبدا الجهاز يسينيالي ...الامريكي قال "احنا رانا نفكرو نسكنو فالمريخ " فبدا الجهاز يسينيالي ..العربي قال" احنا رانا نفكرو.." وقبل ما يكمل هدرتو بدا الجهاز يسينيالي
................

قالك مرة كان جحا واحد من المريكان واحد من الجابون
عطاو لكل واحد منهم مليار وقالولهم لازم تخترعو حوايج
مالا الماريكاني خدم صاروخ يروح لأي بلاصة
والياباني خدم خاتم بورتابل تكلم بيه اي واحد
اما جحا صرف دراهمو اكل قعدتلو غير مليون مالا شرى معزة وكلب
جوعهم ربعيام قبل ما يوصل وقت كي يورو اختراعاتهم
مالا بدا الماريكاني ورى اختراعو ثم الياباني وصت دالة جحا
حط الكلب وعطاه حشيش كلاه
وحط المعزة وعطاها اللحم كلاتو
قالولو واشي هو الاختراع قالهم
على الكلب: الكاركا سة كلب والموتور معزة
على المعزة: الكاركا سة معزة والموتور كلب.....هههههههه
................
قلك واحد حابس أراد أن ينتحر فرآه صديقه فذهب إليه مسرعا وقالو :خويا علاه راك حاب تنتحر ؟ فأجابه:لأنني حابس وما نعرف والو .. فقال له صديقه : سوف أبين لك بأنك ماكش حابس ..وسقساه على حاجة مدورة وبيضة ؟ فقال له الحابس :مانيش عارف .فأجابه صديقه بأنها حبة بيض ..ثم سأله سؤال ثاني و قالو :2مدورين و بيّض ؟ فقال له الحابس: مانيش عارف . فأجابه صديقه بأنهما 2 حبات بيض ..ثم سأله سؤال ثالث و قالو:حيوان عندو الصوف وعندو القرون ويقول بععع؟فأجابه الحابس : إيه مالا 3حبات بيض...هههههههه
................
قلك واحد النهار زوج خاوة واحد يسموه فريطيط ولاخر يسموه بريطيط قلك فريطيط دخل للحبس كي خرج كان محفف بولا زيرو ..كي شافو بريطيط سقساه باه حففت فقالو خوه بالماشينة أيا راح بريطيط للرايا تاع القطار و حط راسو ولما جاء القطار كلاكسونا عليه فقلو بريطيط :ما تقولي ني طيط ني بيط حففلي كيما خويا فريطيط ....ههههههه
................
قلك وحد المرة إجتمع عباقرة العالم و إخترعوا حاسوب يمكنه الإجابة على أي سؤال .....أتوا 3 أغبياء كي يجربوه وبدأ الأول يسأل في الحاسوب فيجيبه الحاسوب بسرعة ثم جاء الثاني لكن الحاسوب أذكى منه ...إلى أن جاء الثالث و هو أغبى الأغبياء فكتب شيئا فإذا بالحاسوب يحترق ولما سألوه قلهم (كتبت للحاسوب أن هناك حقلا طوله 700م وعرضه 200م .ما هو عمر الفلاح؟ ) ....هههههه
................
قلك واحد حابس راح يدير السكنار على راسو فكتبلو السكنار NO DISK ....ههههههه
................
قلك واحد مشي شباب راح يشوف روحو في المرايا فقالتو المرايا :نعتذر عن الصورة...ههههههه
................
قلك واحد حابس كان يمشي حتى صاب ورقة تاع تريسنتي فراح خلصها....هههههههه
................
قلك واحد حابس جاء يذبح جاجة تاع تريسينتي .راح طفى الكونتور...ههههههه
................
قلك واحد حابس خلاصتلو القرعة تاع الغاز أيا عضها ....هههههه
................
قلك وحد المرة الزوجة قالت لزوجها :اليوم عيد ميلادي وراني باغية جيبلي كادو كي نشوفو يشعل قلبي ...ذهب الزوج للعمل وفي المساء عطالها علبة ففرحة الزوجة وعندما فتحتها وجدت (باتري تاع طونوبيل) ...ههههه
................
قلك وحد المرة واحد حابس راح لفرانسا و بقى يدور حتى فات على وحد الزنقة و صاب فيها عرس سقسا تاعمن هذا العرس قالو واحد :
( je ne saie pas) أيا راح وفي الغد جاز على زنقة أخرى وصاب فيها موت وسقسا تاعمن هذا الموت فقالو واحد :
(je ne saie pas ) عندها قال : مسكين (je ne saie pas ) البارح تزوج واليوم مات ...ههههههه
................
قالك وحد الزوج مزوجين ولدو طفلة عندها شعرة واحدة في راسها سماوها محيرقة.....ههههههههه
................
قالك واحد ماجاهش النعاس رقد و خلاه......هههههههه
................
قالك واحد ما رقدش بكري و كي رقد صاب الحلم بدا.....ههههه
................
قالك خطرة واحد بلع نص حبة كاشي نتاع الرقاد رقد بعين وحدة......هههههه
................
واحد حابس إشترى بورتابل و حب يدخل الكارطة ماحبتش تدخل أيا دخل البارمي....هههههه
................
قلك واحد راح للسينيما و رافد معاه سلوم كي سقساوه علاه قالهم:الفيلم طويل ...هههههههههه
................

قلك واحد حابس إشترى تلفاز جديد كي شعلو في الدار صاب تلعب مقابلة في كرة القدم فراح جاب بيدون تاع ماء وفرغو عليه وقال للتلفاز :أيا كل واحد يروح يلعب قدام دارهم....هههههه

واحد حب يشري سروال لوبيا مالقاش شري سروال عدس ...هههههه

................

قالك زوج جيران واحد غني و الاخر فقير. الفقير عندوا المصباح السحري كل صباح يمسحوا يخرج العفريت يقولوا شبيك لبيك اطلب كل شيئ بين يديك الفقير يقولوا اعطيني كاس لاتاي. شافوا الغني و حسدوا على المصباح السحري و بغى يديلوا المصباح قالوا نعطيلك الفيلا و السيارة واعطيني المصباح الفقير قبل بالمقايضة . مسح الغني المصباح وخرجلوا العفريت قالوا شبيك لبيك كل شيئ بين يديك قالوا بغيت فيلا على شاطئ البحر قالوا العفريت اسمحلي خويا نسربي غير لاتاي..ههههه

................

وحدة سمينة بزاف...راحت عند الطبيب باش يعطيلها الدوا باش تشيان. مدلها باطة كاشيات وقاللها كل نهار تاكل 2 حبات
هي نسات. وكلاتهم قاع مرة وحدة
ولعشيا جا راجلها للدار وحوس عليها ومالقاهاش
قاللها : عيشة وين راكي؟؟؟
قاتلو راني مور البالي.....ههههههه

................

قالك واحد حابس راح للفارماسيان باش يشري الدواء ..الفارماسيان أعطالو كاشيات و قالو :2 حبات مور القهوة

السيد راح ثم رجع وقال للفارماسيان : خويا معليش نشربهم مور الريستورو ...هههههه

................

واحد شرى صباط كبير عليه ولا يقادرو ....هههههههه

................

قالك سرات اكسدنت بين 2 مرسيداس اخر عيطة ..بداو يداوسو صحاب الكرارس في ما بيناتهم........حبس واحد مولا R4 رايبة واش قاللهم؟؟؟ ماتتقلقوش تقدرت..و حنا قاع عندنا الماتريال و نخافو عليه ...هههههه

................


واحد قال لخطيبته كي نكلاكسوني هبطي قالتلو علاه اشريت طوموبيل قالها لا شريت زمارة .....ههههه

................

خطرة واحد كان يسرح بالنعاج وحاط رجل فوق رجل ويتكيف في قارو ايا طاحت طيارة قريب ليه...كي جات الصحافة تسالو كيفاش الحادثة المسكين من الخلعة بزاف قالهم كنت نسرح بالطيارة و حاط قارو فوق قارو ونتكيف في رجلي .لقيت النعاج طاحو....هههههه

................

قالك واحد مهبول دايمن حاكم الحيط و حاط وذنو عليه ويسمع كي شافو الطبيب قالو"واش راك تسمع" قالو المهبول " اسمع بوذنك" كي حط الطبيب وذنو على الحيط قالو "ماراني نسمع والو"ايا قالو المهبول "هادي اللي راها مهبلتني " .....ههههههه

................

قالك واحد كذاب دوما يكذب في يوم راح يكذب على أصدقائه قال لهم
شفت مقابلة كرة قدم في الدقيقة التسعين واحد اللاعب سجل هدف لكن في الإعادة ضيعها ....هههه

................
التقى كذابان أحدهما من القطب الجنوبي و الاخر من الشمالي فقال الاول:إن البرد عندنا كثير لدرجة أن النار قد تجمدت فقال الثاني: أما البرد عندنا وصل الى درجة أننا لا نسمع كلام بعضنا حتى نضعه في الماء الساخن ....ههههه
................
واحد النهار غبي دخل يشري عصير قال لمول الحانوت .اعطيني jus d'orange تاع الخوخ ...هههههه
................

مرة وحدة هي و زميلتها قاعدين يحكيو الاولى قالت
انا زوجي ديما ينسى بورتابله و المفتاح نتاع الطاكسي
هدرت الاخرى قاتلها تنتي عندك الزهر انا زوجي كل يوم
يقولي وين شفتك من قبل ...ههههه
................


مرة واحد عرض صاحبه و حطلو العدس قالو
كول العدس فيه الحديد ايا مرة التاني عرض صاحبه
جابلو الحديد قالو كول الحديد فيه العدس .....هههههه
................

................

سأل أحدهم الأخر:أتذهب الى أمريكا أم تبقى؟
. فأجابه:سأذهب الى تبقى . يظن أنها دولة...هههه

................


غبيان في مطعم طلب الغبي الأول عصير ليمون عليه ليمونة

فطلب الثاني حليبا عليه بقرة ...هههههه
................

في أحد الأيام ذهب رجل بخيل مع زوجته لإحدى المحلات
فوجدت زوجة البخيل توبا رائعا قائلتا لزوجها : يا له من ثوب أنيق
فأجابها الزوج البخيل قائلا : إذا سوف أحضرك إلى هذا المحل يوميا لكي تري الثوب ....هههههههه
................


قالك واحد قال لباباه "شريلي بورتابل " قالو " نشريلك بصح ركب خوك معاك " .....ههههههه

................

................

................

الأستاذ للطالب:ما هي أكثر كلمة يستخدمها الطالب؟
الطالب: لا أعرف..
الأستاذ: أحسنت..


................

قالك وحد الكلب كان يجري يجري يجري و من بعد طاح .... قالك راح عند صحابوا الكلاب قالهم و الله كنت نجري وطحت طيحة تاع الكلاب


................

مشحاح كتب على باب داره: "ما تخبطوش الباب راني نحله كل خمس دقايق
................

هادو زوج خاوة واحد منهم دركي وواحد حفاف, قال الحفاف لأمه نوضيني بكري غدوة.. جات أمه نوضتّو, غلط الحفاف لبس لباس الدرك تاع خوه وهو نعسان شاف روحو في لمرايا وقال:
هيه... قلتلها نوضيني نوضت خويا
................

واحد يسكن في القرية دا الباك وباه يروح للجامعة خاف يضحكو عليه قالتلو أمو روح برك النهار اللول يضحكو عليك والنهار الثاني يضحكو عليك والنهار الثالث توالف وتروحلك العقدة قالها
مالا حتى النهار الثالث ونروح
................

ابتسام توحشتك وشكرا على المرور


شكرا على المرور بلال

نورتو الصفحة