دبكه ودبيكه وطبّال
ومجوز غنى القرادي
ختيار يرندح موال
يردو خلفو الردادي
الردادي الردادي
غنيلي عْلى دلعونه
منك محلى الميجونا
غزاله ضحكت عيونه
ولما غنينا اليادي
عل اليادي وعل يادي
نزلت ع الدبكه خزامي
تتمايل متل اليمامه
علواه تمسك قدامي
تحلى هالدبكي زياده
بزيادي بزيادي
تعالي حدي وين رحتي
وعقلي براسي سوسحتي
بدي اعطيكي مسبحتي
محسوبك شحرور الوادي
الوادي الوادي
وهي من عندي
ابدأ بموال
بْضمّة ودّ بْلين وشد
لمّْ القدّ وقلبي الْند
بْتمّك دور وْلمّ زْهور
وشمّ عْطور بمرج خيال
دبكه ودبيكه وموال
وندوشه من الردادي
وشحرور بقدو الميّال
يرقص حلوات الوادي
الوادي الوادي
موّلك عا كرج حجال
صوت الدف وشن الشال
كعب العالي والخلخال
موسيقى للقرادي
قرادي قرادي
موالي كرج حجالي
تمك ياتوتي الحالي
وعاصدرك غنج حالي
لما تقرب لي زيادي
بزيادي بزيادي
شو حلوه واحنا سوى
دبكه ودبيكه وغوى
دخلك مرجحني الهوى
واللي صاير مش عادي
مش عادي
لك عادي